Guorbmebiila gopmanan
Okta guorbmebiila lea gopmanan riikaluottas 93 Guovdageainnu lahká. Politiijat leat jođus lihkohisvuođa báikkái, ambulánsa ja gádjunveahka lea juo báikkis. Guorbmebiilavuoddji lea dál ambulánssas ja eahpečielggas man bahut son lea roasmahuvvan, dadjá Oarje-Finnmárkku politiija operašunjođiheaddji Ove Myrkaskog NRKii. Guovllus lea erenoamaš njalkkas, ja luodda lea giddejuvvon lihkohisvuođa báikki bokte.