Oažžot joatkit oljju sirdima
Norterminal lea ožžon dál duođaštuvvot ahte sii besset sirdit oljju nuppi fatnasis nubbái Báhčaveaivuonas Mátta-Várjjagis maiddái skábmamánus ja juovlamánus. Doaibmadirektevra Odd Arne Haugen lohká sii ožžo mearrádusa duorastaga ja čilge ahte dát lei dehálaš viidáset doaibmamii, danin go sin kunddar Lukoil gáibida diehtit guhká besset vel oljosirdit nuppi fatnasis nubbái Báhčaveaivuonas.