Ruoŧas eai almmut čujuhusaid
Dál eai leat šat Ruoŧa dorvodustehusaid čujuhusat almmolaččat. Sivvan dasa lea go olu dorvodustehusat leat buollán maŋemuš áiggiid, nu čállá Dagens Nyheter. Politiijat oaivvildit ahte eanaš buollimat leat cahkkehuvvon, ja sii dadjet ahte dát vearredagut soitet dahkkon vaši geažil. Mannan ija buollái visti, mii galggai heivehuvvot dorvodustehussan.