Otne vuođđuduvvui Kárášjoga gielddastivra, ja nu leage bargiidbellodaga Svein Atle Somby Kárášjoga ođđa sátnejođiheaddji. Várresátnejođiheaddjin šattai ges sámeálbmotbellodaga John Nystad. Deanus ges šattaiga bargiidbellodaga Frank Martin Ingilæ ja Elisabeth Erke, sátnejođiheaddjin ja várresátnejođiheaddjin.
Diibmá Biebmobearráigeahčču ii miehtan plánaide viiddidit bieggafápmorusttega Rákkočearu alde, dan dihte go jus ribahit golgat kemikálaid de livčče golgat juhkančáhcái.
Biebmobearráigeahčču gesii ruovttoluotta vuostecealkámuša go fitnodat mearridii sirdit njeallje turbiinna.
Rákkonjárgga orohaga jođiheaddji Johan Magne Andersen fuolastuvvu go gullá NRK:s ahte áigot fas sirdit turbiinnaid.