Dorvoohccit divrasat Norgii
Go hivvodagaid mielde bohtet báhtareaddjit Norgii, de sáhttá dát máksit 50 miljárda kruvnno boahtte vihtta jagi. Dan logai stádaministtar Erna Solberg, go son otne beaivet čilgii Stuorradiggái makkár hástalusaid báhtareaddjidilli dagaha. Son danne almmuhii ahte dorvoohcciid almmolaš ortnegat dál galget vuđolaččat guorahallot dainna ulbmilin ahte geahpedit goluid maid dát mielddisbuktá.