Áitá Muosát gieldda bággosáhkkun
Bargobearráigeahčču áitá Muosát gieldda bággosáhkkun. Sivvan dasa lea go gieldda ii leat ordnen HMS:a plána, mii galgá leat veahkkin geahpedit vahátriskadilli gieldda bargiin. Dát beitohii maŋŋil ovtta bearráigeahču gielddas njukčamánus 2014:is. Muosát gieldda ráđđeolmmái, Inga Sørensen, lohká sivvan go leat ádjánan ná guhká, lea go sis leat leamaš kapasitehta váttisvuođat.