Reagere go ieža galget árvvoštallat
Finnmárkku Sosialisttalaš gurutbellodaga jođiheaddji Johnny Ingebrigtsen reagere go seamma fitnodagas lea ovddasvástádus sihke sirdit oljju nuppi fatnasii Báhčaveaivuonas Mátta-Várjjagis ja árvvoštallat sihkarvuođa dáid sirdinbargguid oktavuođas.
Birasgáhttendirektoráhtta ii áigon dohkkehit doaimma, muhto Dálkkádat ja birasgáhttendepartemeanta gal dohkkehii ohcamuša.
Ingebrigtsen ii luohte departementii, ja dáhtošii fágalaččat čielggadit dán sihkarvuođa dási.