Sávvá oljoohcama bissehuvvot
Luonddugáhttenlihtu jođiheaddji, Lars Haltbrekken, oaivvilda stáhtaministtar Erna Solberg berrešii bissehit oljoohcama Barentsábis.
Haltbrekken čujuha stáhtaministara ođđajagi sárdnái, mas dálkkádat lei oassefáddán.
Doppe dajai Solberg Norgga áigut unnidit norgga dálkkádat nuoskkideami.
Barentsábi ođđa oljju ohcanguovllut fállojit dál fargga fas almmolašvuhtii.
Dasa leat árvaluvvon 63 ođđa guovllu, go daid dat háliidivčče Luonddugáhttenlihtu hehttet rahpamis.
Dalle easkka livčče vejolaš olahit dan maid stáhtaministtar lohpádaddá, oaivvilda Haltbrekken.