Eanet ja eanet vudjet gárrenoaivvis
Eanet ja eanet biilavuoddjit vudjet gárrenoaivvis. Birrasiid 130 duhát olbmo vudjet beaivválaččat gárrenoaivvis Norggas, čájehit dutkamušat maid álbmotdearvvašvuođainstituhta lea čađahan. Dál ávžžuha Tromssa ja Finnmárkku johtolat politiijahoavda doaktáriid šaddat čeahpibun muitalit geat rahčet mirkogeavahemiin. Doaktárat ballet muitaleames dán birra ja politiija johtolathoavda Geir Marthinsen dadjá sin fertet oaččut olbmuid eret geainnuid alde geat vudjen gárrenoaivvis.