Ruonáeatnanlaš musihkkanásti Simon Lynge, doallá lávvardaga konseartta Anáris, Suoma bealde. Lynge lea dovddus sihke Eurohpás ja Amerihkás.
Rolling Stone Magazine gohččodii su vuosttaš skierru "eanemus muitinveara skearrun daid maŋemuš jagiid" go dat almmuhuvvui jagis 2010s. Konsearta dollo nu gohčoduvvon Camera Borealis ja Skábmajazz oktavuođas.
Lávddi al dán eahkeda lea maiddái sápmelaš artista ja diktačálli Niillas Holmberg. Son lávlu seammás go govvadáiddára Martti Rikkosa luonddugovat čájehuvvojit.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.