Buorit vuordámušat dálvái
Norgga bealde ii ge leat guhkes áigái leamaš ná buorre guohtun, ja ealáhusas leat ge buorit vuordámušat dálvái. Sihke Oarje- ja nuorta-Finnmárkkus leamašan guhkes čakča ja valljis guoppar. Muhto jus dálkedieđáhusat dollet deaivása, ahte ovdal juovllaid njázuda mii fas sáhttá dagahit bodneskártta, de dat dagaha guohtuma ovdii. Nu lohká Fylkkamánne boazodoalloossodaga vuolit direktevra Adam Klemet Hætta.