Bivdá ruđaid tulkomiidda
Finnmárkku fylkkasátnejođiheaddji Runar Sjåstad ballá suomagielhálliide šaddat váddáseabbon birgehallat gielalaččat Finnmárkkus. Ráđđehusa boahttejagi stáhtabušeahtta dat vuorjá fylkkasátnejođiheaddji. Sjåstad ballá fylkkagieldda massimis ruđaid mat dássážii leat juolluduvvon tulkon- ja integrerenbargguide. Dán jagi juolludeapmi lea 219.000 kruvnnu. Ortnet su mielas galggašii joatkašuvvat maiddái boahtte jagi ja maŋit áiggis, ja lea sádden sierra čállosa ášši birra njunuš eiseválddiide, earret eará Mánáid-, dásseárvo- ja inkluderendepartemeantta stáhtaráđđái Sissel Hornii.