Doaivu beassat Arktálaš Ráđđái
EO ja Kánada leaba gieskat soahpan diktit buot Kánáda eamiálbmotjoavkkuid vuovdit njuorjonáhkkebuktagiid EO-riikaide, mii gildojuvvoi 2009:is. Dušše dihto inuihtajoavkkut Kánadas ja Ruonáeatnamis leat beassan vuovdit dákkár buktagiid dássážii. Dán dihte lea ge Kánada caggan EO beassamis Arktálaš ráđđái observatevrán. Dál sávvet EO bealis viimmat beassat ráđđái go Kánada miehttá sin doarjut ođđa soahpamuša geažil. Arktálaš ministerčoahkkin boahtte jagi dat mearrida beassá go EO ráđđái vai ii.