Troms Kraft mieđiha siva
Troms Kraft čállá dál raporttas maid geige NVE:i bearjadaga, ahte lei sin sivva go Gálggojávri guorranii duo duvle. Raporttas čilge Troms Kraft ahte ledje sihke teknihkalaš ja olmmošlaš sivat dasa go el-fápmofitnodat geavahii meastta buot čáziid Gálggojávrris.
Sivva lea go okta steaŋgá rahppasii, ja dan livčče bargit galgan fuobmát ahte lea boastut.
Luonddugáhtten lihttu lea cealkán ahte NVE berre ráŋggáštit Troms Kraft jos čájehuvvo ahte lea sin sivva go Gálggojávri guorranii.