Dállu bulii gutnan
Otná čuovganeapmái buollái dállu Giillás Háštás, ja buot heahteveahkeguovddážat vulge johtui. Go jovde buollima lusa de lei juo dálu bearaš beassan dearvan olggos, váhnen guovttos ja guokte máná. Guovllus lei maid garra biegga ja nu šadde ge gurret kránnjá dáluid dan botta go časkkadedje dolaid. Nu dieđiha Gaskka-Hålogalándda politiijaguovlu Nordlys áviisii.
Stohpu bulii gutnan ja kránnját besse fas ruovttuidasaset maŋŋel čáskkadeame. Politiijat eai vel dieđe siva buollimii.