Nussir ruvkkes, Fálesnuoris, lea duppalit nu olu málbma go álggos ledje doivon, dán čállá High North News. Geasset lei bohkkán kampánja guovllus, ja maŋŋel dan leat lokten logu man olu málbma gávdno. 44 miljovnna tonna doivo álggos gávdnot, muhto dal jáhkket 66 miljovnna gávdnot. Dat logut muitalit čielgasit ahte sin doaibma áigi Nussir ruvkkes lea 30-40 jagi, lohka direktevra Øystein Rushfeldt, High Nort Newsai. Eai leat vel geargan iskkat man olu málbma gávdno fálesnuoris, muhto Nussir jáhkka eambbo gávdnot.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.