Ebola dávda ii heaitte leavvamis jus olles máilbmi ii veahket bissehit dán njuommudávdda. Dan oaivvildit dearvašvuođadutkit Ruoŧas ja 16 eará eurohparihkkain. Sii leat čálalaččat moaitán ráđđehudsaid go eai veahket eanet dávdda ektui mii ii čuoza dušše Afrihkki muhto oba máilbmái. Dearvašvuođabargit eai leat nagodan bissehit epedemia leavvamis ja dal leat badjel 6 duhát olbmo ožžon dávdda ja badjel bealli sis leat juo jápmán.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.