Áššáskuhtton seksuálaovttastallamis
Badjel 20-jahkásaš almmái lea áššáskuhtton guovtti oktavuođas go galgá leat seksuálalaččat ovttastallan ovttain 14-jahkásaš nieiddain. Dát galget leat dáhpáhuvvan Álttás diibmá.
Son lea maid áššáskuhtton go galgá leat ruđain ja buolliviinnain máksán vuollel 18-jahkásaš niidii seksuála ovttastallama ovddas. Dievdu lea ovdalaččas dubmejuvvon sullasaš daguid ovddas.
Ášši galgá Álttá diggegotti ovdii golggotmánus. Albmá advokáhtta ii hálit kommenteret ášši NRK:i.