Spežžo gieđaid maŋŋel filmma
Giehtaspeažžun gullui hui bures visttis ikte, go ledje čájehan Ivnnit ja eallin filmma vuosttaščájáhusa. Badjelaš 200 olbmo ledje boahtán geahččat filmma. Dát 40 minuhtasaš filbma lea lárášjohkalačča Amund Anti birra, gii lea dáiddár, muhto son ráhčča maiddái gárrendiliin. Dát filbma dagahii ahte geahččit sihke boagustedje ja čirro. Dát filbma lei fámolaš, dehálaš ja čáppa filbma, dajai geahčči Runar Green. Ja Kárášjoga sátnejođiheaddji maid njuorranii go oinnii muitalusa Amund Anti birra. Son áigu bargat buot vai Amund Anti oažžu dáiddastipeandda gielddas, dadjá sátnejođiheaddji, Anne Toril Eriksen Balto.