Geahpedit guollebiebmanrusttegiid
Ráđđehus ferte bissehit guollebiebmanealáhusa stuorrumis. Dan oaivvilda Elliidsuodjalus searvevuohta. Sii čuoččuhit maid ahte Norgga luosain leat eanet ja eambbo duođalaš dávddat go ovttage eará elliiddoalus olles riikas.
Guolástusministtar Elisabeth Aspaker almmuhii ovdalaš luomus plána mas áiggošii lasihit biomássá viđain proseanttain. Elliidsuodjalus searvevuohta gáibida baicce duođalaš plána unnidit dávddaid ja parasihtaid geahpedemiin biebmoguliid.