Narviikas sámegieloahpaheaddji
Narviika gielda, Nordlánddas, lea virgádan sierra sámegieloahpaheaddji čavčča skuvlaálgimii, maŋŋel go Fylkkamánni bearráigeahčču čájehii ahte sámegieloahpahus ii lean doarvái buorre. Earet eará cuiggodii fylkkamánne ahte oahppit eai leat ožžon dan tiibmalogu maid livčče galgan. Narviikkas leat vihtta oahppi geat dássážii leat ožžon sámegieloahpahusa gáiddusoahpu bokte, čállá Fremover áviisa.