Ođđasit árvvoštallat boazodoalolága
Norgga Boazosápmelaččaid Riikasearvi dáhtošii ođđasit árvvoštallat boazodoalolága mii bođii doibmii 2007-as, vai boazodoallit geain leat unnit go 200 bohcco eai dárbbaš gillát bággonjuovvamiid. Boazodoallostivra mearridii diibmá ahte 231 siidaoasit galget njuovvat vissis proseantta, maŋŋel go Stuorradiggi dohkkehii čađahit bággonjuovvamiid boazologu heiveheamis Finnmárkkus.