Columbus beaivi eamiálbmotbeaivin
– Columbus beaivi ii galgga šat ávvuduvvot min gávpogis. Dan lea Minneapolis gávpotráđđi mearridan. Gávpotráđis imaštit manne Columbus mahkáš sáhtii fuomášit Amerihká, go doppe han orro jo olbmot. Columbus beaivi ávvuduvvo máŋgga sajis máilmmis golggotmánu 12. beaivve. Dán jagi rájes dán beaivvi namma Minneapolis gávpogis lea Eamiálbmogiid beaivi.