Heaittihit koallabuvttadeami
Norgga Luonddugáhttensearvi lea duhtavaš go Ovttastuvvon našuvnnat (ON) dorjot gáibádusa heaittihit norgga koallabuvttademiid Svalbárddas. Norga ii berre váikkuhit dan guvlui ahte máilmmis boahtte áiggis geavahuvvo eambbo koalla, lohká jođiheaddji Lars Haltbrekken.
Muhto Longyear-gávpoga jođiheaddji Christin Kristoffersen lohká vuostálastiid fievrredit dušše symbolihkkapolitihka. Son deattuha ahte jus Norga heaittiha koalabuvttadeami, de dat ii čoavdde máilmmi dálkkádatrievdamiid hástalusaid.