Jorgalit Vuođđolága sámegillii
Sámediggeráđđi bovde dál Stuoradikki bargagoahtit oažžut Vuođđolága jorgaluvvot sámegilli. - Sámegiella lea almmolaš giella Norggas, ja sii haliiidit ovttasbargat Stuoradikkiin oččodit sámegillii Vuođđolága, mii sáhttá dohkkehuvvot boahtte stuoradiggeáigodagas, lohká sadjásas sámediggepresideanta, Ann Mari Thomassen. Sámediggeráđđi lea muđuid beahtahallan go Vuođđolága ođasmahttin ii čielgasit dávis dasa ahte Norgga riika lea vuođđuduvvon guovtti álbmoga eatnamiid nala, sámiid ja dážaid, logai Thomassen. Sámit leat sihke sierra álbmot ja maiddái eamiolbmot Norggas ja dan berrešii Vuođđoláhka nannet, deattuha son.