Boanddaid dienas sáhttá hedjonit
Finnmárkku boanddaid eanetlogus sáhttá ekonomalaš dilálašvuohta hedjonit, maŋŋel go stáhta fállá dušše logádas oasi das maid Norgga boanddat gáibidit. Finnmárkku boanddaidsearvvi fylkkajođiheaddji Grete Liv Olaussen váruha ahte jus ráđđehus hedjonahttá boanddaid dietnasa, de ovddida dat gálvojođu sisa riikii, biebmo- sihkkarastin njiedja, ja eanandoallu váikkuhišgoahtá dálkkádatrievdama.