Rosmmehuvai biilalihkohisvuođas
Okta olmmoš lea bahuid roasmmehuvvan maŋŋel biilalihkohisvuođa E-6 luottas láhka Ømmervatneta Vápstes. Biilalihkohisvuohta dáhpáhuvai diibmu guovttis , dan dieđihit Helgelándda politiijat. Ambulánsahelikopter lea maid lihkohisvuođa báikkis, ja politiijat eai dieđe vuos leat go eanet olbmot roasmmehuvvan.
Politiijat dieđihit ahte roasmmehuvvon olmmoš lea váldon biillas olggos ja ahte su leat dolvon Sandnessjøena buohccivissui go sus ledje siskkáldas hávit.