Evttohan NBR-jođiheaddji
Guovdageainnu johttiidsápmelaččaid searvi lea evttohan golbma olbmo Norgga Boazosápmelaččaid Riikasearvvi ođđa jođiheaddjin. Sii leat Nils Mathis M. Sara, guhte jođiha Guovdageainnu johttiidsápmelaččaid searvvi, Anders S. Buljo ja Hans Ole Eira, Johttisámi listtu suohkanstivrra áirrasguoktá. Báikkálaš searvvi jahkečoahkkin galgá dahkat loahpalaš mearrádusa miessemánus, čállá Ávvir.