Ođđa ON árvalus
ON váldočoahkkima presideanta John Ashe lea árvalan mo eamiálbmogat besset searvat ja váikkuhit máilmmi eamiálbmotkonferánsii dán čavčča, mii rievtti mielde lea dušše stáhtaid várás. Eamiálbmogat leat gáibidan dohko saji, muhto dan ii dohkkehan Ashe beannot mánu áigi. Árktalaš guovllu eamiálbmogiid ovddasteaddji máilmmiviidosaš joavkku lahttu John B. Henriksen dadjá ahte árvaluvvon čoavddus, mas earet eará guokte eamiálbmot-áirasa beassaba leat mielde loahppacealkámuša hábmenbarggus, lea buorre. Son ii leat vel vuollánan.