Ohcala dikkis eanet áššedovdiid
Sis-finnmárkku diggegotti duopmostuollojođiheaddji Finn-Arne Schanche Selfors ohcala dikkis eanet áššedovdiid geat áddejit sámi servodaga go dikkis galget mearridit goappá váhnema luhtte mánná galgá bajásšaddat.
Sámi áhčit geain leat mánát rivguiguin leat ásaheamen searvvi go vásihit ahte máná sámeduogáš ii váldo vuhtii go galgá mearriduvvot goappá váhnema luhtte mánná galgá orrut go váhnemat earránit. Schanche Selfors ohcala eanet áššemeannudaddjiid dikkis geain lea áddejupmi sámi servodahkii.