Árktalaš dálvegilvvu bohtosat
Šadde buorit bohtosat Sápmái dán jagáš Árktalaš dálvegilvvuin - AWG , ja ođđa golle-oláhus.12 golli čuoigamis, dát lea buoremus boađus dan rájes go Sápmi 2004:is searvvai vuosttaš geardde AWG:ii. Sámi nuorra čuoigit válde oktiibuot 23 medálja.
Ja sámi spábbačiekčan nieiddat vuite Team Sámi 13-logát golli, go časke Alaska joavkku finálačiekčamis, 9-1, maŋŋá go ledje vuoitán visot čiekčamiid vahkus.