Ášši doaimmaha Ánne Olli
Son jođiha gieđaidis sullii 10 -15 centte bajabeal olbmo. Jos son de dovdá galbma áimmu olbmo ratti bajábealde, de leat dán olbmot psykalaš váttut . Ja jos čippis dovdá galba áimmu suođđat, na de lea čippis vihki, ja de lohká ahte jos su gieđaide dovdo dego mii nu mii čukkoda, na de lea dán olbmos siejahas rupmašis.
Biibalis gávdná vástadusaid buot áššiide
Son lea maid oahppan ahte dávddaid sáhttá buoridit Ipmil sániin. Go son han lea gávnnahan ahte Biibalis gávdna vástadusaid buot dáid áššiide, ruhkos veahkeha. Dávja son rohkadallá, juohke beaivvi rohkadallá Áhččámet ruhkosa ja seammás rohkadallá ahte galggašii sutnje almmustuvvat vuoigŋa mainna buorida olbmuid.
Buorida dávddain ja buhtista dáluid
Alddesii lohká leat almmustuvvan attáldagaid mainna buorida, muhto son gal maid oaidná ja dovdá earáge, nugo vuoiŋŋaid. Ja daid son dovdá iežas gieđain.
Jos su čorbmaváibmosiin dego čukkodišgohtet, na de leat vuoŋŋat dasttán ja muhtimin son oaidna maid daid.
Vuoiŋŋaid mat leat dáluin, daid son gal sáhttá jávkadit, muhto muhtimin manná veaháš áigi ovdalgo dát jávket, go lea veaháš doarrun fitnet dáid eret.
Son čilge justa dás lohkat profeta Dánela girjjis, logát kapihtála 12 vearssas ná: "Ja son celkkii munnje, Ále bala Dánel, dasgo dan vuosttaš beaivvi rájes go don jorgalit váimmut oažžun várás arvvadusa ja vuoledanváras iežat du ipmilat muođuid ovdii, leat du sánit gullojuvvon ja mun lean boahtán du sáni dihtii"
Morten Jon Skreen čilge ahte go son buorida olbmuid vigiin, ja go son buhtista dáluid vuoiŋŋain eret, de geavvá nu mo eŋgel muitaliii Dánelii, ahte buoridan vuoiŋgna dárbbaša olles 21 beaivvi basttit heajos vuoiŋŋaid meaddil ja dahkat buorideami ollisin.
Galgá giitalit Ipmila vai buorideapmi ollašuvvá
Skreen lohká mannat veaháš áiggi ovdalgo olbmot buorránit dávddain dahje viesut buhtistuvvojit. Danne go eŋgelat dárbbašit áiggi beassat meaddil bahávuoiŋŋaid, nu dat čilge buorideaddji.
Morten Jo Skreen ja lasihasttá vel ahte mađi eanet mii giitalat Ipmila, dađi johtileabbot beassa ipmila buorideaddji vuoigŋa bahávuoiŋŋaid meaddil, go daid vuoiŋŋain dat ferte doarrut jos buorideapmi galggaš ollašuvvat.
