NRK Meny
Normal

- Dohkkehan homofiilla ovttaseallima

- Mus eai leat váttisvuođat dohkkehit homofiillaid guimmešvuođas bargat vihahuvvon virggiin girkus, lohká Sámi Girkoráđi jođiheaddji Tore Johnsen.

Tore Johnsen
Foto: NRK

 - Sámi Girkoráđđi galgá ovddidit iežas cealkámuša áššái.  Ovddeš mearrádusaid ektui lea diili dál rievdan Norgga Girkus.

Ovdal gal lei čielga eanetlohku Girkus mii hálidii doalahit dan árbevirolaš oainnu homofiilla ovttaseallima ektui, lohká Johnsen.

GULDAL: Homofiilla ovttaseallin

Homofiillat girkolaš doaimmain

- Mun gal lean guhká leamaš proseassas dien áššis.  Mun oaivvildan dál ahte homofiilla ovttaseallin duohtan dahká dehálaš árvvuid mat leat Biibalis.  

Dalle jurddašan ovttaseallima mii lea ordnejuvvon, mii lea geatnegatlaš ovttaseallin, ja bistevaš ovttaseallin, lohká Johnsen.

- Girkočoahkkin guldala sámiid

- Mun gal jáhkan Norgga Girkočoahkkin guldala Sámi Girkoráđi.  Dat mii lea dehálaš dál, lea ahte mii oppalaččat geahččat ja meannudeat áššiiguin. 

Mii berret geahččalit vuhtii váldit mo dilli lea maiddái sámiid girkoeallimis, deattuha Johnsen.