NRK Meny

FeFo gieđahallá lobihis geainnu

– Finnmárkkuopmodat (FeFo) ii leat mearridan dáhttu go divuhit dan guovllu ruovttoluotta luondduhápmái, gosa Porsáŋggu sátnejođiheaddji Knut Roger Hansen lea huksehan geainnu lobi haga. Nu muitala FeFo diehtojuohkinhoavda Jan Henrik Hætta.
Hansen lea sáhkohallan 100.000 ruvnnuin dán lobihis geainnu geažil Lavttejogas Porsáŋggu gielddas.