NRK Meny
Normal

– Lágádusat behttet servvodaga

Sami girjelágádusat eai jeagat skeŋket oahppogirjjiid. Sámedikkeráđđi lea sakka beahtahallan.

Jørn Are Gaski
Foto: Eilif Aslaksen / NRK

– Lean beahtahallan go lágádusat vigget riggut oahppogirjjiguin, lohká Sámedikki ráđđelahttu Jørn Are Gaski:

GULDAL: Eai skeŋke girjjiid

Ikte lei olles oahppogirjeveahka čoahkkanan Osloi, gos guorahalle movt galget oahppogirjedilálašvuođa čoavdit čakčii. Lea sáhka girjjiin mat leat lágádusaid vuorkkáin, ja maid Gaski lohká sámi servvodaga opmodahkan:

– Lágádusat vigget duppálit dinet, go Sámediggi han lea ollásit ruhtadan daid girjjiid.

Máhttodepartemeantta, Sámediggi, Finnmárkku fylkkamánni ja suohkaniid ja girjelágádusaid organisašuvnnat eai čoavdán oahpponeavvováttisvuođa ievttá deaivvadeamis. Danne galget fas deaivvadit moatti vahku geahčen.

Girjelágádusaid searvi ii ipmir manne bággehallet skeŋket iežaset opmodaga..