NRK Meny

Áigot registreret sámegielmáhtuid

Norgga álbmotregistaris galgá boahtteáiggis leat vejolaš registreret hállá go olmmoš sámegiela. Dat lea Sámedikki ja Finánsadepartemeantta ievttá konsultašuvnna boađus. – Dát addá buoret bálvalusaid sámegielhálliide, maiddái gávpogiin, ja dát álkida kártet gos sámegielhálliid ásset, cealká sámediggepresideanta Vibeke Larsen (Šiella).