NRK Meny

Ælla ájn rejda stuorra dahkamussaj

Sáme musea lij sávvagoahtám mahkkár dávverijt sihti ruoptus oajvvestáda museajs. Valla musea ælla ájn gárvvása dájt gálvojt vuosstáj váldátjit.

Moadda hásstalusá vierttiji ájn tjoavdeduvvat åvdås gå dan rádjáj jåvsådi.

Árrana musean Divtasvuonan fájllu ájn ållo. Museajådediddje Harrieth Aira ij duosta játtet goassa máhtti vuostasj dávverijt vuosstáj válldet.

– Muhtem tjuolma galggi ájn tjoavdeduvvat dagu dal ietjama magasijna. Duodden aj fágálasj dårjav guhti máhttá dájt dáverijt gåtsedit vaj sæmmi buoret gå Oslon ábjjiduvvi. Ja de diedon sihtap dájt dávverijt vuosádallat.