– Mearrádus jorgalahttá eallima

Jovsset Ante Sara lohká ráđđehusa mearrádusa, ahte njuovvat ealu ovdal ođđajagi, hui lossadin alcces – Dat leat cealkán ahte bákkuin sii vižžet mu ealu. Dat jorgalahttá visot mu eallima. Ii dušše barggu, muhto olles eallima. Buot jurdagiid ovddasguvlui. Ii dušše mu, muhto olles mu bearraša, ádjá rájes gitta mu jahkásaš mánnái. Son imaštallá manne eai divtte sápmelaččaid iskat vuoigatvuođaideaset, leago riekta dat maid stáda lea álgán. Eanandoallodirektoráhta Liv Berit Hætta lohká ahte ášši lea leamaš riektavuogádagain ja sin bargu lea bearráigeahččat ahte alimusrievtti mearrádus duohtandahkko. Datte lohká ahte ii leat dárbu juste ovdal ođđajagi njuovvat bohccuid, muhto sii háliidit gulahallat boazobargiin ja ráhkadit plána movt dán čoavdit. Hætta lohká iežas ipmirdit ahte Sara háliida iskat vuoigatvuođaidis go dá lea nu stuora ášši.

Jovsset Ante Sara
Foto: Kjell Are Guttorm / NRK