NRK Meny
Normal

- Guorahallat vealaheami Sámis

- Go dutkat áigot mo unnitlogu joavkkut Norggas leat vásihan almmolaš vealaheami, de berre maiddái dutkat sámiid vásáhusaid, lohká bargiidbellodaga Jørn Are Gaski.

Jørn Are Gaski (Ap)
Foto: NRK Sami Radio

Dan lohká sámedikkeáirras Gaski go dál galgá sierra suokkardankommišuvdna guorhallagoahtit unnitlogu joavkkuid vásáhusaid almmolaš vealaheamis.

Gaski gávdná álkit ovdamearkkaid áššái.

- Dán geasi de han vásihii pasienta ahte ii fidnen tulkka ovdal go mediaide šattai áššin, lohká Gaski.

GULDAL: Almmolaš vealaheapmi

Almmolaš vealaheapmi

Go muhtin buohcciviesus máddin dalle eai gulahallan sápmealaš pasieanttain, de jáhkká Gaski ahte pasienta goitte ge ieš vásihii dan vealaheaddjin.

- Jáhkan maid ahte fearána sáhtašii tulkot vealaheaddjin, vaikke vel eat sáhte ge čuoččuhit ahte buohcciviessu iešdáhtus lei cakkadeamen tulkonvejolašvuođa.

Lobihis vákšun

- Mii diehtit mii dáhpáhuvai sápmelaččain geat ledje mielde dalle Álttá ášši oktavuođas.  Maŋit áiggis go sii besse oaidnit iežaset máhpaid maidda ledje dieđut biddjon sin birra, de čájehuvvui ahte ollu dovddus sápmelaččat leamaš vákšojuvvon.

Vákšun lea dalle dahkkon politihkalaš ja etnihkalaš vuođul, maid sáhttá gohčodit almmolaš vealaheapmin, lohká Gáski.

Juohkebeaivválaš rasisma

Gaski mielas ii gula kommišuvdnii dušše guorahallat mo sisafárrejeaddjiid dilli lea, muhto maiddái mo sámit vásihit dán beaivválaččat.

- Dál lea addon vejolašvuohta dieđihit juohkebeaivválaš vealaheami ja rasismma, čuoččuha Gaski.