NRK Meny
Normal

- Suohkan ferte rohčošan áššiide veahkkin

- Divttasvuona suohkanis dat ferte leat ovddasfástádus gávdnat čovdosiid váttisvuođaide mat čuožžilit rohcošanáššiid oktavuođas, lohká stáhtačálli Kjersti Markusson.

Foreldrepar ber om hjelp mot sex-overgrep
Foto: Sara Kristine Eira Lantto / NRK

Divttasvuona bearaš  dat reivve bokte bivdán Stáhtaministáris veahki eastadit seksuala illástemiid bissumis Divttasvuona julevsápmelaččaid gaskkas.

- Nordlandda fylkamánnii ferte guorahallagoahtit gokko lea mannan boastut, ja mo njulget boastuvuođa, lohká Markusson.

GULDAL: Stáhtačálli Divttasvuonaášši birra

Jus ii fidne veahki

Dan ferte dahkat erenoamažit jus čajehuvvoš ahte suohkana fágabargit, nugo mánáidsuodjalus ja eará dearvvašvuođa bargit, eai nákce čoavdit dakkaraš váttisvuođaid, lohká Markusson.

Son ii eahpit ge ahte julevsápmelaččat leat badjelgehččon, muhto Markussen oaivvilda ahte Divttasvuona servodat ferte ieš čoavdit nákkuid ja vealahemiid mat gavdnojit.

Son maid jahkká ahte dat go Divttasvuotna lea šaddan guovttegielalaš suohkaniin lea mielde jávkadeame dan vealaheamii maid julevsáspmelaččat vásihit.

Ášši manná viidásabbot

Stádaministara kantuvra sádde dal viidaset dán ášši Bargo- ja searvvadahttin departementii mii gieđahallá sámi guoskevaš áššiid, dahje Mánáid- ja dásseárvvo departementii mat barget mánáid guoskevaš áššiiguin ja dat mii guoská čearddalaš vealaheapmai.