Hopp til innhold

Bálkáha guođoheaddjiid

Bálkáhuvvon guođoheaddjit galget hehttet boraspirevahágiid Gáivuonas, gáibidit sávzaboanddat.

Katrine Henaug
Foto: Klemet Anders Sara / NRK

Badjelaš guoktelogis ledje boahtán boráspirevahát čoahkkimii Olmmáivággái ikte.

Gáivuona suohkan dat lei bovden sihke sávzaboanddaid ja Romssa fylkamánni gullevaš olbmuid.

Duogaš čoahkkimii lea go maŋimuš mánu leat badjelaš 30 sávzza goddon boraspiriide Olmmáivákkis ja Skárfvákkis.

 

 - Fertejit áidugoahtit

- Buoremus čoavddus livčče, jus suittašii, eambbo guođohišgoahtit.  Muhto mu mielas livčče maid buorre ásahit molssaeavttuid guođohansajiide, lohká Romssa eanadoallodirektevra Berit Nygård Nyre.

Su mielas galggašedje áidogoahtit buot guođohaneatnamiid.

- Ollu árvalusat

Ievttá čoahkkimis ledje máŋga evttohusa mo Gáivuona sávzaboanddaide galggašii unnidit boraspirevahágiid.

Bivdojoavku mii lagábui mánu lea geahččalan goddit guovžža, mii lea hearjidan sávzaealuiguin Olmmáivákkis ja Skárfvákkis, ii leat nagodan vel báhčit guovžža.

- Eai olat báhčinmuddui

Mannan distaga ožžo dieđu ahte Olmmáivákkis soaitá dat guovža, muhto go iske, de gávnnahedje ahte ferte leat eará boraspire mii lei jođus, eai goit gávdnan guovžža.

- Bálkká guođoheaddjiide

Even Steinlien
Foto: Klemet Anders Sara / NRK

- Gáivuona boanddát ávžžuhit eiseváldiid dál bálkáhit sierra boraspireguođoheddjiid, lohká Olmmáivákki sávzaguođohan searvvi jođiheaddji, Even Steinlien.

Son oaivvilda ahte Romssa Fylka dat ferte ruhtadit dán go fylkkegielda han hálida ieš boraspiriid doalahit guovllus.

- Leat juo juolludan ruđaid

Fylkamánni birashoavda, Katrine Henaug, doaivu dál addo guhkiduvvon bivdolohpi báhčit dán guovžža mii lea Gáivuonas.

- Mii leat maiddái dál juolludan ruđaid viiddiduvvon guođoheapmái Gáivuonas, lohká Henaug.

- Politihkáriid ovddasfástádus

Berit Nergård Nyre
Foto: Klemet Anders Sara / NRK

Romssa Eanandoallodirektevre, Berit Nygård Nyre maid deattuhii ievttá diehtojuohkkinčoahkkimis ahte boraspirevahágiid eai sáhte sii hehttet.  Politihkkáriid ovddasvástádus dat lea unnidit boraspire logu dáin guovlluin.

 

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.