NRK Meny
Normal

- Sierra mohtorjohtolat ortnet

- Sáhttá deike sámeguovlluide ráhkaduvvo earálágan ortnet go muđui Norgii, lohká Guovdageainnu sátnejođiheaddji Klemet Erland Hætta.

Klemet Erland Hætta
Foto: NRK

Dan lohká Hætta ovdal čoahkkima mii otne galgá dollot Ávjovári Eamiálbmot guovlluráđis, mas leat mielde Porsánggu -, Guovdageainnu - ja Kárášjoga gielddat.

- Fáddán čoahkkimis lea mohtorjohtolat láhka ja makkár rievdadanvejolašvuođat dasa leat, muitala Hætta.

GULDAL: Mohtorjohtolat lága birra čoahkkin

Ođđa láhkaevttohus

- Čoahkkimii boahtá maid áirras Luondduhálddašandirektoráhtas ja mii galgat beassat gullat dan ođđa láhkaevttohusa birra ja maiddái jearadit dan birra, lohká Hætta.

- Eai dieđe váikkuhusaid

- Dás orru dainna lágin ahte lea veahá eahpesihkarvuohta guđe láhkai ođđa láhka váikkuha min guovlluide.  Muhtomat lohket dat váikkuha ja muhtomat gis ahte ii váikkut.

Dán eahpesihkarvuođa lea dál hui buorre oažžut čielggadit, lohká Hætta.

- Rievdadusat bohtet

- Mun gal bealistan jáhkán ahte bohtet rievdadusat muhto makkár rievdadusat dat bohtet min guovlluide, lea ain eahpesihkar.  

Go lean ságastan Direktoráhta áššemeannudeaddjiin, de lei miellagiddevaš gullat ahte sáhttá gávdnot dat vejolašvuohta ahte deike sámeguovlluide ráhkaduvvo earálágan ortnet go muđui Norgii.

- Birgejumis sáhka

Hætta lohká ággan dan sierra ortnegii livčče ahte dáppe lea meahccegeavaheapmi dan mađe dehálaš dan birgejumi ektui. 

- Jus láhkabargguin manaš nu mo eiseválddit ieža leat jurddašan, de sáhttá ođđa láhka dohkkehuvvot Stuorradikkis giđa mielde, lohká Hætta.