- Sámediggedievasčoahkkin dat galgá mearridit gii šaddá mu sadjásažžan dalle go lean njellja mánu virgelobis, lohká Keskitalo.
Čuolbman dán áššis lea árvvoštallat man guhkin dahje oanehažžan galgá tulkot "njeallja mánu virgelohpi".
-Čoahkkin jođihangoddi dat galgá meroštallat lea go dárbu ášši bidjat dievasčoahkkimii, lohká Sámedikke čoahkkkinjođiheaddji Josef Vedhugnes.
- Bargiidbellodat doarju Sara
- Mu mielas gal orru ahte dát lea dakkár oanehis virgelohpi. Njeallja mánu ii leat guhkes áigi olles áigodaga ektui mii lea njeallja jagi, lohká bargiidbellodaga Egil Olli.
Olli mielas gal galggašii dalle Johan Mikkel Sara doaibmat presideantan dan njeallja mánu maid Keskitalo lea eret.
- Eahpeluohttámuš Sarai
- Dat orroleamen dego eahpeluohttámuš jus várrepresideanta Sara ii galgga beassat jođihit Sámedikki diekkár oanehis permišuvnnain. Danin han leage son ožžon dan luohttámuša ahte jođihit Sámedikki oanehis bottuid, lohká Olli.
Jonassen vai Sara?
Jus jienasteapmi šattaš dievasčoahkkimis, goappá don jienastivččet Jarle Jonassena vai Johan Mikkel Sara?
- Mun oaivvildan otná várrepresideanta berre jođihit Sámedikki dien áigodaga mas lea sáhka, lohká Egil Olli.