Sihke Magga ja dat nubbi ovddeš sámediggepresideanta, Sven Roar Nystø, leaba dál ráđđeaddin go NSR šiehtadallagoahtá Bargiidbellodagain.
Sámedikki vuosttaš presidenta Ole Henrik Magga oaivvilda ahte NSR nagoda bures bargat ovttas Bargiidbellodagain.
Dan son lohká vaikko Bargiidbellodat leage čađat leamaš opposišuvnnas.
- Váttis dilis
- Ja váttis dilli dat orroleamen ge dál, go juo presideanta ge lohká ahte justa dál lea váttis go ii leat oppanassii ge eanetlohku, lohká Magga.
Son ii searvva radioi dál árvvoštallat posišuvnnaid juogadeami go ii loga dan gullat alcces.
- Galgá vuos šiehtaduvvot
- Mun dušše geahčan ahte galgá vuos šiehtaduvvot, nu ahte dat livčče áibbas unohas álgit juogalágan gáibádusaiguin dál, lohká Ole Henrik Magga.
Du rolla go leat deike boahtá mii dat lea?
- Dat gal lea mii mus lea dábálaččat, iežan organisašuvnna ektui. Mun lea mield ráđđádallamin, nevvodeamen jus oktage mus jearrá. Dán dáhpáhusas leat hálidan mu mielde ráđđádallamiin, joavkkuin ságastallamiin ja eará áirasiiguin, lohká Magga.
Mo Nystø du mielas livčče jus Sámediggi dál massá presideantta Bargiibellodahkii?
- Diet lea spekulašuvdna ovdagihtii, ovdal go oppa šiehtadallamat leat ge álgán, ja die leat áššiid maid mun in oppanassii ge kommentere, lohká Sven Roar Nystø.