NRK Meny

- Mineráladoaibma ii gánnát

Ekonomiijaprofeassor Erik S. Reinert oaivvilda ahte ráđđehusas leat leamaš beare stuora vuordámušat mineráladoibmii. Sivvan dasa lea go fitnodagat dahje ruhtadeddjit eai bija ruđa dakkár doaimmaide dál. Duvle válljii Store Norske ruvkefitnodat heaittihit iežaset golleohcanfitnodaga danin go eai nagodan vuovdit dán fitnodaga. Vaikko fitnodat lea ohcame golli máŋgga sajis gos vurdojuvvo gávdnot golli, de ii fuollan oktage oastit dán fitnodaga. Reinert oaivvilda ahte norgga minerálaprošeavttat eai boađe gánnáhit guhkit áigge.