NRK Meny
Normal

- In jáhke deanuluosa jávkat

Deanuluossa gal bálle vuos ain šaddat vaikko dálkasat eai šat gotte luossadihkiid. Dán jáhká deatnolaš John Viktor Aslaksen, luossabivdi ja ovddeš Luossabreva-eaiggádiid Searvvi jođiheaddji.

Fluefisker i Tanaelva
Foto: Eilif Aslaksen / NRK

Trøndelágas leat guovtti luossabiepmahagas fuobmán luossadihkiid mat eai šat jáme dálkasiidda.

Aslaksen lohká dán katastrofan daidda jogaide gos luossabiepmahagat leat lahka.

GULDAL: Luossadihkit

Biepmahagat njoammudit

Čilgehus diesa lea ahte luossaveajet šaddá vuodjat luossabiepmahagaid meatta go merrii lea jođus ja de sáhttá dihkkat.

Luondduhálddašandirektoráhtas dadjet katastrofan go dálkasat eai šat gotte luossadihkiid, nu go leat fuobmán guovtti luossabiepmahagas Trøndelágas.

Direktevra Janne Solli dadjá dán leat stuorra vahágin eamilussii ja guvžái.

Biepmahagaid haga buorre

John Viktor Aslaksen lea ilus go Deanuvuonas giddejuvvui luossabiebmanrusttet moatti jagi áigi. Danne lea vuos deanuluossa gáddjojuvvon.

Oppdrettsanlegg
Foto: Lunde, Bjørn Erik Rygg / VG

Muhto nu ii leat eará jogain - go miehtá Norgga mearragátti leat luossabiepmahagat. Dihkki duššada veajehiid ja maŋážassii áitá olles eamiluossanáli.