NRK Meny
Normal

- Ii čuovo álbmotrievtti

- Sámi Vuoigatvuođa lávdegoddi ii čuovo álbmotrievtti go árvala sápmelaččaid unnitlohkui Romssa- ja Nordlándda filkkaid eananhálddašan stivrii.

Bjarne Store Jakobsen
Foto: Eilif Aslaksen / NRK

Nu lohká bargiidbellodaga Sámedikki áirras, Bjarne Store Jakobsen.

Sámi politihkárat eai oru dohkheheamen manne Sámi Vuoigatvuoda lávdegoddi oaivvilda sámelaččat berrejit leat unnitlogus boahttevaš eananhálddašeames.

  GULDAL: Sámit eai dohkket

Álbmotriekti badjilgehččon

Sii gažadit maid earret eará lea go lávdegotti eanetlohku daid álbmotrivttid váldimin vuhtii mat gusket unnitálbmogiid vuoigatvuodaide.

Vuoigatvuoda lávdegotti jodiheaddji, Justisdeparttameantta senior ráđđeáddi  Jon Gauslaa,  oaivvlida ahte sii leat váldán vuhtii daid eavttuid.

Jon Gauslaa
Foto: Eilif Aslaksen / NRK

-Eanetlohku oaivildda ahte álbmotrievttit leat váldon vuhtii, ja dan sáhtát oaidnit maid go geahčat buot árvalusaid maid mii árvaleat, lohká Gauslaa ja oaivilda ahte soapmásat botnjet sin árvalusa politihkálaš áššin.

Gaska-Romssa válgabire bargiidbellodaga Sámedikki áirras,  Bjarne Store Jakobsen, lohká sápmelaččaide lea eananháldašanstivra dat buot deaháleamos oppa dan lávdegotti ollislaš árvalusas.