- Háliđa deaivvadit olbmuiguin

Sámediggeráđđi háliđa gullat maid máttasápmelaččat vurdet Sámedikkis ja makkár hástalusat sis leat.

Laila Susanne Vars
Foto: Aslak Ilkka Niittyvuopio / NRK

Sámediggeráđđi hálida gullat maid máttasápmelaččat vurdet Sámedikkis, ja makkár hástalusat sis leat. Danne lágidit álbmotčoahkkima Rørosas Trøndelágas otne. Sadjásaš presideanta Laila Susanne Vars mielas lea dehálaš deaivvadit álbmogiin.

- Ulbmilin lea čohkket lullisápmelaččaid ja gullat makkár hastalusat sis leat giela, ealáhusa ja eará servvodatsurggiid ektui, maidda sámediggi sáhtašii váikkuhit. Ja makkár vuordámušat sis leat ráđi ektui omd. nannet lullisámegiela, muitala Vars.

Albmotčoahkkin dollojuvvo Røros hoteallas diibmu 18.00.

Ordnejit čoahkkimiid maid eará sajiin

Vars ávžžuha olbmuid boahttit Røros hotellii diibmu guđas eahkedis. Vaikke vel Sámediggi bargá ge viidát, de lea sin mielas hui dehálaš boahtit lahka buot sápmelaččaid ja gullat mo sin dilli lea. Danne lágidit álbmotčoahkkimiid juohke sajis gos sis leat ráđđečoahkkimat.

Vars lohká, ahte lea dehalaš deaivvadit olbmuiguin.

- Juohke báikkis leat iežas dihto ja dehalaš áššit ja danne lea dehalaš deaivat olbmuid. Sii háliđit njuolggoságasdallamiid, vai dieđašedje, mo dilli lea olbmuin, iige dušše gullat daid media dahje eará dieđihangaskaomiid čađa, lohka Vars.

Maiddái go deaivá olbmuid čalmmis čalbmái, de oidnet sii, guđe politihkkár lea man doaimmas sámediggeráđis, čilge Vars.

GULDAL:

Oanehaččat

  • Bártnit dovddastan vearredagu

    Guokte Loabát skuvlla nuorra bártni leaba dovddastan ahte soai dat leaba billistan ja cuvkon dávviriid ja lanjaid Loabát skuvllas. Bártni guoktá leaba cuvkon máŋggaid čuđiid duháhiid ruvnnu ovddas. Bártni guoktá dovddasteigga vearredaguid go politiijat humadedje bárti guoktán oktan sudno váhnemiiguin, muitala Siellat leansmánnekontuvra politiijavuosttašbálvá, Roald Berntsen NRK:ii.

  • Politiijat jotket dutkamin ášši

    Politiijat eai leat vel geargan dutkamis ášši, mas muhtun Davvi-Romssa rámburbargi eret biddjui barggustis go balahuvvui leat njihtan ruđaid iežas bargobáikkis. Dán duođašta Ivgu leansmánnekontuvrra vuosttašbálvá, Ingvild Koht Furnes, NRK Sápmái. Dievdu biddjui eret virggis mannán jagi loahpas, ja gávppi stivra váiddi ášši politiijaide. Koht Furnes ii loga odne sáhttit vástidit goas sii gerget dutkamiin, ja mieđiha ahte lea váttes ášši.

Laster Twitter-innhold