- Gielddareforbma fuones bálgá alde

– Dan sádjái go ovttastahttit Finnmárkku ja Romssa stuorraregiovdnan, de galggašedje baicce ásahit buoret ovttasbarggu gielddaid gaskka. Dan oaivvilda NIVI Analyse nammasaš analysefitnodaga beaivválaš jođiheaddji Geir Vinsand.
Fitnodat lea spesialiseren bargat gielddalaš ja stáhtalaš nuppástuhttimiin. Sin mielas lea fuones jurdda ráhkadit stuorra geografálaš regiovnnaid. Vinsand oaivvilda ahte fágalaččat lea hejot ákkastallojuvvon oažžut Finnmárkku ja Tromssa oktii dainna jurdagiin ahte buvttalogu stuorrun dat unnida goluidge. Lohká leat surgat go eai nagat oažžut buoret digaštallama dan birra ahte makkár sisdoallu reforpmas galggašii leat.
– Ovdamearkka dihtii ahte makkár geavatlaš váikkuhusat ođastusas galggašii leat joatkkaskuvllaide, johtolagaide , makkár ođđa doaimmat galggašedje ásahuvvot Finnmárkui jna, čilge Vinsand.