- Politihkkárat leat oalát vajáldahttán gelbbolašvuođa loktema.
Sii eai beroš das ahte sámemánáin galggašii leat seamma vejolašvuohta go dážamánáin, lohká Gaup.
- Ii ahtanuša
Su mielas ii leat sámemánáin seamma vejolašvuohta ahtanuššat ja ovdánit gielalaččat, fágalaččat ja sosialalaččat.
- Eret ministára
- Jus ministár livčče ráhkadahttán ođđa oahppoplánáid dáža skuvlii ja de eai livčče oahppogirjjit boahtán, de livčče son dalán ferten guođđit virggis go opposišuvdna ii lean dohkkehit dan.
- Ii heive eret
Finnmárkku bargiidbellodaga stuorradikke áirras ja fylkkadikke evttohas, Ann Kristin Engstad mieđiha ahte máhttoloktema oktavuođas ii leat dahkkon doarvái.
Son datte ii bijašii gal ministára eret dán dihtii.
- Oahpponeavut bázahallan
- Mun mieđihan ahte sámi oahpponeavuid buvttadeapmi lea bázahallan.
Dán áššái galggašii Sámediggi searvat nu ahte sáhtášii leat mielde čađaheamen daid áigumušaid maid mii buohkat doarjut, lohká Engstad.
